Þorláksmessa.

Ég elska þoláksmessu það er dagurinn sem sem lagt er lokahönd á undirbúning jóla á mínu heimili og sennilega mörgum öðrum heimilum.Eldaði saltfisk og siginfisk í hádeiginu og bauð bróðir og mágkonu í mat,þetta var náttúrulega alltof gott og ég át eins og venjulega yfir mig.Meðan á borðhaldi stóð var hringt í minn mann og honum boðið í skötuveislu sem hann þáði á augabragði,stóð upp frá borðinu kvaddi og lét sig hverfa á náðir skötuilmsins á Friðriki fimmta.Síðan hefur ekkert til hans spurts hefur sennilega fengið að leggja sig hjá þeim eftir þetta tvöfalda át.Ég er að fara í kirkjugarðinn á eftir með ljós handa ástvinunum sem þar hvíla,hef venjulega farið á aðfangadag en verð að vinna núna í ár og kem ekki heim í jólafriðinn fyrr en kl.23.En nú eru það yndislegu jólakveðjurnar í útvarpinu fer ekki í almennilegan jólafiling fyrr en ég hlusta á þær,og skipta á rúmum og skúra þá er þetta komið.Svo óska ég ykkur öllum gleðilegra jóla árs og friðar.Erna

Athugasemdir

[Guðrún Emilía Guðnadóttir, 23.12.2007 kl. 19:40]

Erna mín þú lætur ekki deigan síga, bara búin að starta síðu.
Kæru vinir við sendum ykkur hugheilar jólakveðjur með ósk um farsæld á komandi ári.

                             Jóla og ljósakveðjur
                             ykkar vinir á Húsavík
                                Milla og Gísli.

[Tinna Ýr (IP-tala skráð) 25.12.2007 kl. 14:57]

Mikið er ég ánægð með þig frænka að vera búin að fá þér blogg! 

Pabbi er að bölva inná baði á meðan hann er að raka sig! Það er jólastemning hérna, haha. 

Við erum að fara í jólaboðið, vonandi sjáum við þig þar!