Jóla-hvað.

Það er nú meira tímaleysið hjá mér þessa dagana. Ég afar upptekinn við að gera ekki neitt Það er þetta tímabil í gangi hjá mér að ég æði úr einu í annað og klára ekkert verk. Ég er að þrífa í einu herberginu, pakka inn jólagjöfum í öðru, skreyta í stofunni, skrifa á jólakort í eldhúsinu og man ekki neitt stundinni lengur hvað ég var að gera. Fæ með reglulegu millibili svitakóf af angist yfir því hvað ég á mikið eftir að gera. Þetta kallast víst stress Reynið ekki að segja mér að slappa af, jólin komi samt þó ekki sé allt 100 prósent hjá mér. Ég nefnilega veit það að jólin eru að koma, annars væri ég ekki svona stressuð

Dóttir mín útskrifaðist í gær með flottar einkunnir og mamma er að sjálfsögðu mjög stolt af stelpunni. Til hamingju elsku Íris mín ég hlakka til að faðma þig og knúsa þegar þú kemur heim en það styttist nú óðum

Best að fara halda áfram við að klára eitthvað af þessum verkum mínum, eða kannski byrja ég bara á einhverju nýju verki, ég á til dæmis alveg eftir baðherbergið Knús og kærleikur til ykkar allra og vonandi get ég nú farið að kvitta hjá ykkur

Suðrnesjaruglurnar: Takk fyrir afmæliskortið og jólakortið þið eruð yndislegar svolítið ruglaðar en samt yndislegar

Athugasemdir

[Ólöf Karlsdóttir, 12.12.2008 kl. 14:28]

Kvitt kvitt Óla þreytta :-)

[Guðrún Emilía Guðnadóttir, 12.12.2008 kl. 16:49]

Til hamingju með Írisi þína það verður gaman fyrir þig að fá hana heim og knúsa hana í krús í krús
Það kom hér í hús í dag það fallegasta jólakort sem ég hef á ævi minni fengið og er það komið upp á vegg svo ég geti augum það litið alla daga.
Takk elsku besta mín.
Ljós og gleði í bæinn þinn
Milla.

[Kristín Katla Árnadóttir, 12.12.2008 kl. 23:52]

Til hamingju með Íris þína elsku Erna mín og gleðileg jól Ég á systir sem heitir Erna líka það eru margar Ernur í minni ætt. Knús og kossar til þín elskuleg.

[M, 13.12.2008 kl. 01:16]

Til hamingju með dótturina

[Erna, 13.12.2008 kl. 11:06]

Takk fyrir hamingjuóskirnar, elsku vinkonur

[Jónína Þorbjörg Gunnarsdóttir (IP-tala skráð) 13.12.2008 kl. 14:58]

Til hamingju með dótturina Erna mín þú mátt vera stolt af stelpunni.

Ég kannast við þetta byrja á einhverju og fer svo að gera eitthvað annað og man svo ekkert hvað ég var að gera þegar ég er búin að snúa mér í einn hring.

Hafðu það gott um helgina elskuleg.

[Aprílrós, 14.12.2008 kl. 03:13]

Til hamingju með dóttur þína, dugleg stelpa sú arna ;)

[Magnús Paul Korntop, 14.12.2008 kl. 05:27]

Til lukku með dótturina,en ósköp man ég þetta með að byrja á nýju verki fyrir jól og ég vona að þú komir öllu í stand vinan.

[egvania, 14.12.2008 kl. 13:56]

Hæ Erna mín láttu nú ekki jólastressið ganga frá þér, veistu að jólin koma hvað sem að við gerum ekki.

[Jónína Þorbjörg Gunnarsdóttir (IP-tala skráð) 15.12.2008 kl. 16:45]

Á ég að koma að leita að þér Erna mín ertu nokkuð týnd?

Knús og ljós til þín.

[Guðrún Ragnarsdóttir (IP-tala skráð) 15.12.2008 kl. 21:29]

Hjartanlega til hamingju með Írisi þína, Erna mín.  Mér þótti svo vænt um að hún kom við hjá okkur áður en hún brunaði norður.  Trassinn ég kom því aldrei í verk að kíkja í heimsókn til hennar, en mikið var ég nú búin að plana það oft.  Hún er svo æðisleg stelpa, sæt og flott og hefur svo góða nærveru.  Hún á eftir að blómstra í framtíðinni.  Síðasti vinnudagurinn minn fyrir jól er á morgun.  Oh ég hlakka svo til að fara í frí, ef frí skyldi kalla, því eins og þú þá hef ég í nógu að snúast.  Hafið það gott fyrir norðan.  Guðrún.

[Erna, 16.12.2008 kl. 11:17]

Takk fyrir innlitin og hamingjuóskirnar

Jónína, mín er helst að leita, hér innandyra ég gæti leynst í jólaskrautshrúgunni í hægra horninu í stofunni eða leitandi að rykrottum undir rúmi

Elsku mágkona, Írisi gekk vel norður og ég þarf ekkert að segja þér hvað það var gaman að hitta hana Njóttu þess að komast í jólafríið, þú ert þá allavega laus við hana og getur einbeitt þér að stússinu heima. Bestu kveðjur til ykkar

[Jónína Þorbjörg Gunnarsdóttir (IP-tala skráð) 16.12.2008 kl. 18:49]

Ég byrja þá að leita í hægra horninu í stofunni.

[egvania, 17.12.2008 kl. 22:52]

Erna mín ekki tekst okkur kaffihúsaspjallið fyrir jólin en við höfum allt næsta ár ekki satt ?