Næturvakt og gleðivíma.

Þá er ég byrjuð aftur að vinna eftir sumarfrí, það er bara ágætt að letilífinu skuli vera lokið í bili. Þegar ég mætti í kvöld byrjaði ég á því að ná mér í vinnuföt sótti mér slopp og buxur og ætlaði að hafa fataskipti en tók þá eftir því að sloppurinn var of þröngur, ég hélt að ég hefði ekki tekið rétt númer, fór og náði mér í annan í mínu númeri en hann var líka of ......þröngur. Það var sem sagt ég sem hafði stækkað í sumarfríinu en númerin ekki minnkað  Ég mátti reyndar alveg við því að stækka, en bara ekki í þessa átt. Nú verð ég bara að taka á þessu með stæl og minka aftur í mína stærð  Svo horfði ég á yndislegu srákana okkar vinna  Það var góður endir á næturvaktinni og nú er ég kominn heim og get ekkert farið að sofa fyrir gleðivímu. Eigið góðan dag elskurnar

Athugasemdir

[Sölvi Breiðfjörð , 20.8.2008 kl. 09:43]

Já þetta er frábær árangur hjá þeim, vonandi nærðu þér nú niður

[Guðrún Ágústa Einarsdóttir, 20.8.2008 kl. 13:20]

hehehehe.....sama vandamálið hér...ég hef stækkað líka en í vitlausa átt... en þegar kallinn fer á sjóinn að þá tekst ég á við þetta þar sem ég mátti ekki við þessu, þó svo að fólk sé að segja mér annað...hehehehe...

En ég sá ekki leikinn og var fúl að hann var ekki endursýndur, en ógó glöð yfir því að þeir unnu leikinn. Þeir eru flottir strákarnir okkar. kv Gunna.

[Ólöf Karlsdóttir, 20.8.2008 kl. 15:13]

Já og ég ga ekki vaknaðÞað var svo gott að sofa Svaf leikinn af mér

 Kveðja Söngelska Afdalakerlingin

[Guðrún Emilía Guðnadóttir, 20.8.2008 kl. 19:00]

Erna mín ferð bara í lífstílsbreytingu
ég fann ekki uppskriftina að hummusinu en ef þú rekst á einhverja láttu mig þá vita.
Knús til þín
Milla.

[Erna, 21.8.2008 kl. 10:35]

Sölvi: Ég náði mér niður að lokum og nú er ég að magna upp spennuna fyrir næsta leik

ditta: Ég vona að þú hafir notið dagsins  Þeir eru snilld strákarnir okkar.

Gunna: Kallinn minn er farinn á sjóinn, svo nú er tækifærið fyrir mig að takast á við þetta. Fínt að geta kennt köllunum um þetta  Þú bara verður að sjá leikin á morgun Gunna mín, Þú lætur ekkert koma í veg fyrir það

Óla: Þú skalt bara sofa þér veitir ekkert af því að hvílast, þetta er örugglega uppsöfnuð þreyta, kvíði og áhyggjur sem þú ert að losna við elsku Óla mín. Farðu vel með þig

ladyVally: Ég þarf að gera athugasemdir við þvottahúsið og benda þeim á að þvo á minni hita, að minnsta kosti sloppana mína. Takk fyrir að benda mér á þetta dúllan mín

Milla: Ég er sko byrjuð  og ég ætla að taka þig til fyrirmyndar, vera jákvæð og bjartsýn. Gangi okkur vel

Dóra: Þú ert nú alltaf í stuði krúttið mitt  Ég vona að þú hafir rétt fyrir þér, en ég er ekki alveg svona bjartsýn  Spái að strákarnir okkar vinni með tveggja marka mun  Ég verð að vinna á föstudagskvöldið,en verð bara í stuði í þar. Fynnst þér það fyndið að sloppurinn passaði ekki  Ekki mér  Hafðu það gott dag sniðuga stelpa

[Guðrún Ágústa Einarsdóttir, 21.8.2008 kl. 11:24]

Já Erna mín ég ætla að planta mér fyrir framan imbann á slaginu kl 12...leikurinn byrjar kl 12.15 og ætla sko ekki að missa af honum. Síðasti leikur var reyndar endursýndur um miðnætti í gærkvöldi, þannig að ég sá svona pínu af honum... kv Gunna.

[Kristín Katla Árnadóttir, 21.8.2008 kl. 12:23]

Elsku Erna mín góðan dag og gangi þér vel í vinnunni  Ég ætla sko að horfa á leikinn á morgunn.

[Anna Guðný , 21.8.2008 kl. 21:19]

Svei mér ef ég kíki ekki bara á leikinn á morgun. Annars er ég rosalega ánægð með þá núna, get bara orðið ánægðari á morgun.

[egvania, 21.8.2008 kl. 22:27]

Erna mín til hamingju með strákana og svo er það þetta með sloppinn fáðu þér bara stærri slopp og ekkert vesen.

Ég er lítil    feit og ætla mér bara að vera það ef ég minnka þá verð ég að kaupa mér ný föt er að vísu alveg sama ég er ein af þeim sem er alltaf fatalaus og skólaus.

Kærleiks kveðja Ásgerður

[M, 21.8.2008 kl. 22:59]

Slopparnir hafa allir verið settir á suðu

[magga (IP-tala skráð) 22.8.2008 kl. 00:56]

Er þetta með sloppana almennt að ganga á stofnunum eða liggur þetta í ættum að stækka í fríum? Ég bara spyr.  Dásamlegt blogg hjá þér strympa mín. Það er nóg að kíkka á síðuna til að komast í gott skap.

Kveðja á línuna og helst daglegar færslur.

M.Þ.

[Ólöf Karlsdóttir, 22.8.2008 kl. 21:09]

Erna mín blogga núna þeir unnu strákarnir okkar ,þeir eru þrusugóðir fékk stöðuna í eyrað  er með talstöð sem ég þarf að hafa í vinnunni .Horfði á byrjun á leiknum  og get horft 

á einhver part svona annað slagið get stolist að imbanum að góna  bæ í bili

[egvania, 22.8.2008 kl. 21:58]

Erna mín nýtt lokk hjá mér húsbandið tók þessa mynd í Ásbyrgi er ég ekki bara flott þarna.

Kærleiks kveðja Ásgerður

[Guðrún Ágústa Einarsdóttir, 22.8.2008 kl. 22:17]

Djö......eru strákarnir okkar frábærir...þeir stóðu sig stórkostlega..magnaður leikur. kv Gunna.

[Erna, 23.8.2008 kl. 00:47]

M. Vinnur þú í þvottahúsinu?  Takk fyrir innlitið og góða helgi.

[Erna, 23.8.2008 kl. 01:06]

Magga mín þetta er einhver veirusloppasýking sem virðist ná hámarki á haustdögum víða um land. Þetta hef ég eftir landlækni, ég náði sambandi við hann út af þessari breidd og hann vonast til að þetta gangi yfir fljótlega.

[M, 23.8.2008 kl. 11:35]

Nei biddu fyrir þér   Tel þetta bara vera góða skýringu á viðbættu fituhlutfalli. Góða helgi sömuleiðis og takk fyrir beiðnina