Milla klukkaði mig.

Fjögur störf sem ég hef unnið um ævina:

Fiskvinnsla.

Bókasafn Glerárskóla.

Hótel og veitingastörf.

Ummönnun á hjúkrunarheimili.

-------------------------------------

Fjórar bíómyndir sem ég hef séð:

Með allt á hreinu.

Forest Gump.

Mamma mía.

Mýrin.

-----------------------------------

Fjórir staðir sem ég hef búið á :

Keflavík.

Öxarfjörður.

Húsavík.

Akureyri.

--------------------------------------

Fjórir sjónvarpsþættir sem mér líkar:

Monk.

Útsvar.

Út og suður.

Friends.

----------------------------------------

Fjórir staðir sem ég hef heimsótt í fríum:

Spánn.

Potúgal.

Danmörk.

Fáskrúðsfjörður.

-----------------------------------------

Fjórar síður sem ég skoða daglega fyrir utan blogg:

mbl.is

visir.is

dagskráin.is

akureyri.is

-------------------------------------------

Fernt sem ég held uppá matarkyns:

Þorramatur.

Sviðalappir.

Lambalæri.

Plokkfiskur.

------------------------------------------

Fjórar bækur sem ég hef lesið oftar en einu sinni:

Ég lifi.

Fátækt fólk.

Dýragarðsbörn.

Salka Valka.

------------------------------------------

Fjórir bloggarar sem ég klukka:

Ásgerður.

Sölvi.

Óla.

Gunna.

Þá er þetta komið hjá mér. Eins og einhverjum komi þetta við. En ég skorast nú ekki undan áskorun af þessu tagi. Þá er ég kvitt Milla mín.

Komin í vaktafrí loksins.

Þá er næturvaktar marþoninu lokið í bili, og ég get farið að vinda ofan af mér og koma mér á rétt ról. Er kominn í þriggja daga frí og fer suður í fyrramálið. Byrja svo aftur á föstudag og tek þá kvöldvaktir. Ég hef ekki haft mikinn tíma til að kommenta mikið hjá ykkur elsku bloggvinir og hvað þá að blogga, enda ekki mikið annað hjá mér undanfarið enn að sofa og vinna. Ég hef ekki tekið neitt frí síðan ég byrjaði eftir sumarfrí 19 ágúst. Dóttir mín flutti suður í gær og ég varð döpur og leið eftir að hún fór, en huggaði mig við það að ég er að fara suður til að hjálpa henni við að koma sér fyrir og eins að aðstoða hana við að versla sér þvottavél og ýmislegt sem ungu fólki vanhagar um þegar það er að byrja að búa. Ekki það að hún sé ekki einfær um að gera þessa hluti sjálf, heldur ákváðum við að hafa þetta svona. Ég er kvíðin fyrir vetrinum og eitthvað svartsýn þessa stundina, en ég vonast að það lagist nú fljótlega. Kannski er ég bara þreytt og stressuð og þarf bara góða hvíld til að mér líði betur. En ég ætla að taka mér aðeins bloggfrí þangað til í næstu viku. Ég vona að þið hafið það gott á meðan elskurnar mínar  Ætla að fara einn blogghring áður en ég fer að sofa

Illa áttuð.

Næturvaktir gera mig ruglaða, ég veit stundum ekkert hvaða dagur er þegar ég vakna og allt slær saman hjá mér  Ég tala um eitthvað sem gerðist í gær eins og það hafi verið fyrir tveim dögum og það sem ég ætla að gera á morgun sunnud þá tala ég um mánud eða þriðjud. Fólkið mitt hristir bara hausinn og segjir mér að sofa lengur  Rétt eftir að ég vaknaði í dag hringdi bóndin utan af sjó og ég get svarið það að hann hefur haldið að ég væri í annarlegu ástandi, ég rausaði bara tómt malbik, það voru undarlegar þagnir hjá honum í símanum þegar hann var að meta ástandið á mér  En þetta lagast nú aðeins þegar ég er búinn að fá mér kaffi og bíp....íþróttablys, þá uppfærist minnið aðeins  ég veit að vísu ekkert hvaða dagur er núna, en það er eitt dagblað í lúgunni og það hlýtur að vera blaðið í dag, ég ætla að líta í það á eftir og þá veit ég fyrir víst hvaða dagur er. Ég get aldrei sofið í marga klukkutíma eftir næturvaktir mesta lagi þrjá til fjóra tíma um morgunin og svo sofna ég aftur í tvo til þrjá áður en ég mæti. Það er held ég þetta sem ruglar mig. Já ég segji það lengi getur vont versnað elskurnar mínar, og ég á ennþá eftir þrjár vaktir, en ég skal nú ekkert reyna að tjá mig við ykkur þegar þeim er lokið  Svo stefni ég á að keyra suður á þriðjud  ....Ég veit alveg hvað þið hugsið núna......Almáttugur hvar endar hún!!!! Hún sem ratar ekki á milli ljósastaura í Reykjavík, en þið skuluð bara vera róleg því bóndinn verður kominn í land og tekur að sér aksturinn. Ég á að vísu eftir að reyna að segja honum til vegar eftir að suður er komið, því ég þykist alltaf vita hvar við erum stödd og vil endilega taka að mér að leiðbeina honum þó að ég hafi ekki grænan grun hvar við erum stödd í það skiptið   Ég fullyrti einu sinni að við værum í Ármúlanum, þegar við vorum stödd í Kópavogi  hann er löngu hættur að vilja mig sem fararstjóra og reddar þessu sjálfur. En ég get nú ekki hætt og er annað slagið að benda honum á hvar hann eigi að taka beygju og svo frammvegis, en einu viðbrögðin hjá honum eru einhverskonar andvörp og stunur. Manni getur nú sárnað     Góða helgi elskurnar

Næturvaktarblogg.

Það er búið að vera afar mikið að gera hjá mér síðan ég byrjaði að vinna. Ég hef verið að taka aukavaktir fyrir utan mínar föstu vaktir, svo hefur verið annríki heima við. Ég hef því lítin tíma haft til að kíkka á ykkur kæru bloggvinir. En ég er núna á næturvakt og ætla að reyna að fara blogghring og kommenta, ef tími vinnst til. Ég verð að vinna alla daga fram til mánaðarmóta en þá tek ég mér smá frí og fer suður. Ég ætla að fylgja dóttur minni úr hlaði en hún er að flytja suður til að fara í skóla.Og auðvitað verð ég náttúrulega, að fylgjast með að allt fari samkvæmt áætlun hjá henni  Það er ágætt að fá aukavaktir núna því ég er að safna mér fyrir gjaldeyri, fyrir Ítalíu ferðina mín í lok sept. Ég segji ykkur betur frá því seinna. Hef þetta ekki lengra núna, ég vona að þið eigið öll góðan dag og takk fyrir öll kommentin ykkar þið eruð frábær.

Hugsum hlýtt til strákanna okkar og kveikjum á kertum.

Góðan daginn elskurnar mínar, nú er stóra stundin að renna upp. Nú kveikjum við á kertum og hugsum hlýtt til srákanna okkar. Vona að við eigum eftir að upplifa ógleymanlega stund í dag.

Áfram Ísland

Næturvakt og gleðivíma.

Þá er ég byrjuð aftur að vinna eftir sumarfrí, það er bara ágætt að letilífinu skuli vera lokið í bili. Þegar ég mætti í kvöld byrjaði ég á því að ná mér í vinnuföt sótti mér slopp og buxur og ætlaði að hafa fataskipti en tók þá eftir því að sloppurinn var of þröngur, ég hélt að ég hefði ekki tekið rétt númer, fór og náði mér í annan í mínu númeri en hann var líka of ......þröngur. Það var sem sagt ég sem hafði stækkað í sumarfríinu en númerin ekki minnkað  Ég mátti reyndar alveg við því að stækka, en bara ekki í þessa átt. Nú verð ég bara að taka á þessu með stæl og minka aftur í mína stærð  Svo horfði ég á yndislegu srákana okkar vinna  Það var góður endir á næturvaktinni og nú er ég kominn heim og get ekkert farið að sofa fyrir gleðivímu. Eigið góðan dag elskurnar

spennuleikur

Komnir áfram strákarnir okkar  Þvílíkur leikur. Þið getið ímyndað ykkur gleðina hjá minni núna.

Laugardagsmorgun.

Góðan daginn Þið sem eruð vöknuð og líka þið letingjarnir sem eruð ennþá sofandi. Ég var vöknuð fyrir allar aldir í morgun, jú ástæðan fyrir því er að ég var sofnuð fyrir klukkan 21 í gærkvöldi. Ég ætlaði að hafa það náðugt og horfa á sjónvarpið eitthvað fram eftir kvöldi en sveif inn í draumheiminn mjög fljótlega en sjónvarpið er mitt svefnlyf og þetta kemur nú æði oft fyrir hjá mér, nema þegar strákarnir okkar eru að spila. En þeir eiga einmitt að fara að spila við Dani á eftir og það verður engin hætta á að ég sofni yfir þeim leik  Ég heiðraði s-þingeyjasýslu með með heimsókn minni í gær, en þá fór ég að hitta hana Dóru mína sem á heima á Laugum í Reykjadal. Það var notaleg stund sem við áttum saman ég og þessi yndislega vinkona mín. Takk fyrir það Dóra mín Þessu sældarlífi fer nú að ljúka hjá mér, ég byrja að vinna eftir sumarfrí á þriðjudagskvöld og tek þá næturvakt. Allt tekur víst enda  En ég á nú alveg eftir að heimsækja Húsavík í sumar og hver veit, það er nú ekki farið að snjóa ennþá  Magga og Milla  hafið það í huga  Njótið svo helgarinnar elsku vinir og gleymið ekki að horfa á strákana okkar á eftir og hugsa hlýtt til þeirra.

Ég blæs til veislu.

Þetta er bara algjör snilld hjá STRÁKUNUM OKKAR   Núna er ég komin í sparifötin og steikin á leið í ofninn .......já ég ætla sko að halda uppá þennann sigur........það er ekki víst að ég lifi það að sjá þá vinna heimsmeistarana aftur ég er í hamingjuvímu, Til hamingju íslendingar með þetta frábæra lið.

„Ekki á hverjum degi sem við vinnum heimsmeistara“

Flottur Snorri Steinn.

Snorri Steinn fór svo sannarlega á kostum í þessum frábæra leik. Ég vakti og horfði á leikinn og sé ekki eftir því.

Snorri: „Við hræddumst þá ekki neitt“